U Chief Executive Member ka Khasi Hills Autonomous District Council, u Pynïaid Sing Syiem da ong u wa em hadooh kamba 3500 tylli ki kur ki jait Khasi, wei pynsñiaw u leh wa hadooh katni ym pu em hiwot ka aiñ wow nang pynkhlan chooh chooh yei krehkaam hapoh i man kur man jait.
Da ong u wa neiliang ka KHADC deiwa ya krehlang yong waroh ki MDC da ye wow wanrah leh ya ka Clan Administration Bill, 2022, tangwa kani ka Bill da chah pynuiñ noh wow bichaar biang ha ka chnat aiñ yong ka jylla wa ha ka chnat DCA.
Hajrong ini i chah pynuiñ noh yong ka Clan Bill da yaklam leh wa ka synjuk yong ki Rangbah Kur ka Bri Hynniewtrep wow pynbait pynbiang.
Ha iwi won i liang, u CEM da pyntip u wa katwa ym pu man aiñ ka Clan Administration Bill, 2022, ka KHADC daw pynmih ko yei pynbna wa ki kur kiwa da em ya ki seiñ kur wow pyntip ki wei wow pynpsiah pyrtuid noh hapoh ka Council.
Discussion about this post