Em kawi ka niam wa leh te rem ka NDA ha Nagaland, Manipur wa Meghalaya

U Montri Rangbah ka Assam, u Himanta Biswa Sarma da ong u neidaw wa leh kawi ka niam hapoh ka jylla Nagaland, Manipur wa Meghalaya kawa da kreh pyrchah ya ki Party wa em hapoh ka NDA tæ poi chei chah rem.

Da ong u wa ha kini ki le tylli ki jylla, kawi ka jait niam khlem da rieh da lai ko chakhmat yow pyrchah ya kiwa em hapoh ka NDA wei kani ka niam em ko boon kiwa bood ka ha kini ki jylla.

Kamtæ da ong u wa i chah rem ymtoh ware neidaw ki kaam saiñ hima neibhah ym ye u yaleh pyrchah wa ka niam.

Da e nong muna u wa ya oo leh lada em kiwa yaleh pyrchah da kiwa ngait niam ym ye de u jop ya ki.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Da pynbna ya ka Result Interview kiwa yaleh kreh Grade IV

May 13, 2025

Kamtæ da ong u wa ha Nagaland, Manipur wa Meghalaya kawi ka niam næ kiwa yahkhmat niam da krehlang ki pyrchah ki kattu katni ki Party kiwa nachwa ki wym jooh em luchia hapoh ki kaam Politics tangwa ha kani ka kynti ymtip yei daw tangwa da tuklar ki ha ki kaam Politics wei da leh ki yeini wot hapoh ka jylla Assam.

Da ong u leh wa da yoo u dei khmat wa kreh ki pyrchah ya ka NDA tangwa heijooh i por da ong u wa Assam ki Vote wa yoh ka BJP da ku ko da boon chah wei haka thaaiñ North East leh da ku ki MP wa jop.