Em ki seiñ kiwa kwah u kær naar-chieh nadooh na Sylhet iwa ymye u pdiang: Prestone

Shillong: U Symbood Montri Rangbah ka jylla, u Prestone Tynsong da beiñ u ya ki seiñ kiwa pyrchah ya i kær naar-chieh ha ka jylla deiwa ong wa ki dawa wei klam ki ya iwon iwon iwa ymye u pdiang.

Hawa yaklam wa kiwa pathai khubor ynne ka sngi, u Prestone da ong u wa em ki seiñ kiwa klam nadooh ki por u Noah kiwa kwah wow kær naar-chieh nadooh na sorbah Sylhet leh.

Da pynrap u leh wa kam kani ka dawa man ko kawa ymye u pdiang neibhah wa man pyrchah ki ya ka Land Swapping Deal namo ka soskular ka India wa ka Bangladesh wa dadep soi.

Chooh chooh da ong u wa i pyrchah ya ka Land Swapping Agreement ym em i hapoh i bor ka sorkar jylla wei ini i pyrchah wow kær naar-chieh da ktah i ya ki tre bri.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa ka sorkar da phah ko ya u Deputy Commissioner ka West Jaiñtia Hills wow yaklam pynbait wa ki tre bri neibhah wa ka poisa da em ko ha ka sorkar khnang wow su ya ka bai khyndaw wow sdang noh u kær naar-chieh.

Ini i klam u Prestone man i hadien wa em ki thaw wa dang sahteiñ wow pynbait neidaw i pyrchah ki seiñ ha ki kattu katni ki thaw.