U Sylvester Kurbah uwa man u waheh chnong ka Mawlai Phudmuri da pynbaad joor u ya ki para waheh chnong yong ka Mawlai Pyllun wa em kiwa man ki dalal yong ka sorkar, ym du tang kam ki Agent.
U Kurbah da ong u ya ini ha ka yalang thang durbula yow pyrchah yei wym bien ka sorkar wow pyndam kreh ya ki 2 ngut ki SP wa yahkhmat yow siat yap ya uwa yahkhmat warim ka HNLC, u Cherishsterfield Thangkhiew.
Da ong wa iyi i daw wa ki waheh chnong hap ki wow lai hadooh 3 sien chi tayaw cha yaw, wei heijooh i por da khut u leh ya ki waheh chnong waroh kiwa em ha Mawlai wow wan uiñ biang ki wei wow ksoh yei kular wa da chim ki ha ka 17 tarik uni u bnai hapoh ka ‘Sur ki Nong Mawlai’.
Ha iwi i liang u waheh chnong ka Phudmuri da ong u leh wa ka chnong Mawlai ym emkaam ko ya ka Peace Committee, deiwa pynrap leh wa chnong Mawlai ka maya ko yei suk kawa wan na dwar bah. Chooh chooh da ong u wa lada ka sorkar ym emkti ko ha i jia ha ka 13 tarik, toh u pynchitom ya kiwa pynyap bru.
