Ynnin ka sngi ka 22 tarik, u Reachingson Siangshai da yoh u ya ka jubab namo ki Reply yong ka RTI kawa le, kawa da booh nadooh ka 31 tarik u July 2025, heiyatoh wa i rukom thung kreh wa i rukom krehkaam ka District Selection Committee (DSC) ka East Jaiñtia Hills District.
U Reachingson dadep booh u ya ka First Appeal ha u First Appellate Authority nadooh ka 17 tarik u September 2025, heiyatoh wa katai ka RTI neibhah wym yoh ya ka jubab hapoh ka 30 sngi wei ym biang ka rukom krehkaam u PIO, wei hadien wa da yoh ya ka jubab na u First Appellate Authority, da yoh u wow lai chim ya ki jubab RTI ynnin ka sngi.
Ya katai ka jubab u Reachingson da pynsñiaw u wa da poi hadooh 2,609 sla wei ka bai jubab RTI da kynjoh ko hadooh Rs. 5200 tam, wei ym emkaam u su ya ka neibhah wa da Appeal cha u First Appellate Authority wow pynkrehkaam ya ka Section 8 (6) yong ka RTI Act kawa kdaw wa uwa paan RTI u lait u wow su ya ka bai RTI neibhah wym yoh ya ka jubab na u PIO hapoh 30 sngi. Hajrong ini, ka poisa naar wa poisa khutia wa da rah u Reachingson ha u bnai wa dadep wow su u neh hi ko ha oo.
U Reachingson da pyntip u wa ha ka RTI wa ar wa da yoh jubab ha ka tayaaw wa dep, da chem wa em ki bru wym em wan yaleh Written Exam tangwa i Roll Number ki mih ki wow lai ki chakhmat hei yaleh kreh wei yeini waroh dang puræ bniah wei daw pyntip paidbah won hadien deiwa bniah.
Heiyatoh won wa waroh ki le tylli ki RTI wa da booh u ha ka DSC, da kyrpaad u ya ki paidbah wow man kiwa yaichah heiwa daw pyntip chaphang kawi pa kawi.
Discussion about this post