Ka Superintendent of Police (CID), Meghalaya, Shillong da pyntip paidbah ko wa da chem yei em kiwa leh thok lyngba ka Aadhaar Enabled Payment System (AePS) heiwa kiwa chim kabu ye ki wow yoh yutip chaphang ki bru nadooh u Aadhaar Number, Biometric Data yow su poisa lyngba ka Aadhaar Enabled Payment khlem da tip ki tre.
Ka Superintendent of Police (CID), da kyntu ko ya ki paidbah wym toh u khana ya kiwon kiwon chaphang yong idæ khamtam u Aadhaar Number lada em kiwa Phone kiwa kylli lane kiwa paan ya uni u Number.
Chooh chooh da kyntu ya ki paidbah wow pynyabi wei wow pynkrehkaam ya u Mobile Number wa ka Aadhaar chisyndon yow tip ki lada em wa jia iwon iwon wei lada kylliang Number da uwi lane wa kwah u kylliang da uwi wow lai cha ki Aadhaar Center.
Da kyrpaad leh ya ki paidbah wow khang (Lock) ya ka Biometric namo ki yutip wa da chim kam ki pariam kti, ki pyllung khmat deiwa lai haka UIDAI Website https://resident.uidai.gov.in/bio-lock yow pyntikna wym em wa chim kabu.
