Ka Synjuk Waheh Chnong East Jaiñtia Hills dap ko dei sñiawkhia wei da beiñ joor ko yeiwa jia ha ka chiteiñ synyaaw ka 2 tarik uni u bnai pyrchah ya u waheh chnong ka chnong Pamra Kmai.
Ka synjuk da ong ko wa katkam wa da tip ko, u Iaikiewbha Rymbai uwa man u waheh chnong ka Pamra Kmai da mih u na chnong wow lai liwan cha yung ki khon yong oo ha Tuberkmai Chnong, tangwa manda poi u ha u sarok wow psiah chapoh chnong da em ki bru wa khang luti kamjooh da kawang ki da u moo ha ka kari yong u wei da piah ka yit kari kawa nakhmat.
Kamtæ ka Synjuk Waheh Chnong East Jaiñtia Hills da beiñ joor ko ya ini i jia ya u para waheh chnong wei da kyntu leh ya ki bor ka aiñ wow chimkhia ki yeini wa jia.
Kani toh ka kyrwoh khubor na u Secretary ka synjuk, u Jesper Bareh uwa man leh u waheh chnong ka Ladrymbai-B.
Discussion about this post