U Superintendent of Police ka East Khasi Hills, u Sylvester Nongtnger da khana u wa hei jia kulmar wa da mih ynnin i miet ha Laitumkhrah Police Station da em i pyrchang leh wow knieh ya ki tiar siat yong ki pulit CRPF.
Kam wow pynkynmoo wa ynnin i miet da mih i kulmar hapyrdi ki khynnah Khasi wa ki wym toh ki Khasi haka thaaiñ Laitumkhrah iwa da pynpoi chei chah thang diñ ka kari pulit hapoh pchem ka Police Station. Ha ini i jia da pynbaad leh wa em i pynyoo bor na ki pulit CRPF.
Tangwa hawa kylli na u SP, da khana u wa iwa jia ynni i miet ha Laitumkhrah toh i jia wa khian cha sarok, tangwa da em leh i pyrchang wow knieh ya ki tiar yow siat leh ya ki CRPF, tangwa ki CRPF da ye ki wow yada ya idæ wei da yoh ki wow sympat chi lathi ar lathi.
