Em kiwa thmu wow pynpiah pynpra ya ka imlang sahlang yow yoh u synchaar: Conrad 

U National President ka NPP, u Conrad K Sangma da ong u wa em boon kiwa pynbaad tangwa ym diaw u yeini neibhah wa da ngiah u yeiwa pynbaad sih wei pyrkhat sih iwa wanrah du ya ki moochynthut hapoh ka imlang sahlang wa ya kiwa chong chnong.

Yeini da klam u ha i lehkmen lyngkhooh dap 12 snem yong ka National People’s Party (NPP) ynne ha Shillong, heiwa da ong u wa ka NPP ym ngait ko ya i pyrkhat sih næ ha ka Politics kawa pyrkhat du yeiwa sih. 

Da ong u wym neh chah u ya ka Politics wa pynpiah pynpra wei em ki bru wa ki seiñ kiwa thmu wow pynpiah pynpra ya ka imlang sahlang da ka thong wow yoh ki u synchaar. 

Da ong u wa ka NPP ngait ko yei yatylli neibhah du i yatylli hapyrdi kiwa chong chnong ka jylla iwa ye wow pynlai ya ka jylla chakhmat.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

Da ong u wa kiwa yahkhmat wa nachwa da yakhun ki wow yoh ya jar jiar ka jylla, hanla em boon ki jaitbru wa ki riti dustur tangwa da kylli u cheiwon wiar i yakrehlang katni? Kammon wa da mylliñ i ya i yaleh wa iwa da e kiwa yahkhmat wa nachwa wow yoh ya ka jylla deiwa pynrap wa katni da ki mat wa khian leh da pyrchang wow phiah jaitbru hapoh ka jylla. 

Heijooh i por da ong u wa ka NPP la man katwa man leh ym pdiang wei ym leh ko ya kam kini ki jait Politics wow pynpiah pynpra ya ki jaitbru.