Jowai: Ynnin ka sngi heipor wa liwan yung u Ferdinand Suchiang hadien wa yoh u ya ka takma Ksiar ha ka yakhun 2nd International Hong Kong Martial Arts Meet 2017 da ong u wa emkaam chiboon ki yarap wa emkaam ki liang wanang.
Ha kani ka jooh ka janmiet da yoh leh u yaklam wa uwa sikai ya u Ferdinand u Donny R. Rani uwa man kam u Chairman ka Meghalaya School of Martial Arts Association, uwa man leh kam u President yong ka Meghalaya Kick Boxing Association, ka Meghalaya Wushu Association, wa kiwi kiwi.
Kam uwa hikai ya u Ferdinand nadooh ki por wa sdang u wow yalehke da ong u wa u Ferdinand man u u bru wa tista wei uwa minot wei kamjooh leh uwa sñiawthooh yei sap yong oo wei emkaam wow booh yei thong kamwa booh u.
Hadien wa yoh takma ksiar u Ferdinand ha kani ka lympung u Donny da ong u wa emkaam wa ki khynroo khyllood ka jylla wow chimkhia ki wow chah hikai ki ha ki martial arts.
Da pynrap u deiwa ong wa ha kam kani ka juk wa katni ki kynthai emkaam bha ki yei chah hikai ki ha kani ka jait kaam kam ka laad wow ye ki u yada ki pyn daki yaki hi neibhah wa dei langær mih i khubor wa pyrchah ya ki kynthai.
Heiyatoh wa i yarap wa yoh na ka sorkar, da ong u wa ka sorkar ym kheiñkor ko yeini wei ym jooh yoh yarap ki naka wow chimbynta ha ki lympung waphær waphær. Heijooh i por da ong u wa lym em ki bru samen wa kiwi kiwi ym yoh yeini i naam.
Discussion about this post