Ampati : Kam chibynta yong ka tayaw wow leh warom ya ka Right to Information (RTI) Week kawa sdang ha kani ka 15 tarik ha Ampati, South West Garo Hills, u Deputy Commissioner yong ka u Cyril V. D. Diengdoh da kyntu u ya waroh ki tnat sorkar ka district wow booh ya ki kot ki sla (suo motto disclosure) hei yatoh wa ki scheme sorkar cha ki Notice Board ki Website wa kiwi yow duna i paan RTI ki paidbah yow suk leh kiwa kreh sorkar.
Ya kani ka RTI Week da pynman kam chibynta wow e sikai leh cha ki paidbah kiwa pynemkaam ya kani ka aiñ deiwa pynman ya ki ‘Awareness Programme’ ha waroh ki C&RD Block wa em hapoh ka District.
U DC da ong u leh wa kani ka aiñ toh kawa pynkup bor ya ki paidbah wow yoh ki ya ka yutip wa bniah chaphang i krehkaam ka sorkar kamtæ yow suk ki paidbah, bha wa waroh ki tnat sorkar u booh lut ki ya ki kot ki sla waroh ki yutip wa emkaam ki paidbah u tip ha jar jiar ki website yong ki, ini daw pynku ko yei khooid i rukom krehkaam ki tnat ka sorkar kamjooh wow pynsuk ko ya ki paidbah kamjooh ya kiwa kreh sorkar.
Da ong u leh wa katkam ka Section-4 yong kani ka aiñ i yukit toh yong ki PIO wow e ya ka yutip wa biang, heipor wa da e cha ki paidbah kamtæ kiwa kreh sorkar em ki ka kaamram wow wanrah yei khooid hei rukom kreh hapoh ka sorkar.
Ha kani ka sngi da saam leh ya ki kot ki sla chaphang ka RTI wei ya kini ki jooh ki kot leh daw saam ha kylleiñ ka District.
Da yoh leh yei klam na u Lecturer u Ryan A Sangma, Tura Law College wa na ka Muktiar ka Gabriella D Sangma kiwa klam bniah yei rukom booh RTI wa kiwi ki kaam wa yatoh wa ka RTI.
Discussion about this post