Emkaam u pynkhreh ya i wow jia nei kylla wa wanrah u bru ha ka rymaw: Dr. R.C. Laloo

Shillong: Ka State Level Workshop on Public Private Partnership for Disaster Risk Reduction & Climate Change Adaptation wa da pynman da ka United Nation Development Programme (UNDP), New Delhi hei yakrehlang wa ka State Disaster Management Authority (SDMA), Meghalaya, da pynman ya ka ynne ha Pinewood Hotel, Shillong heiwa u Dr. R. C. Laloo da man u kam u kongsan.

U Laloo hei klam da ong u wa ka kani ka phang toh kawa emkaam bha katni heiwa da yoo wa da ku da roi ki sor ki karkhana wei ye leh u mih chiboon i jia wa sñiawsih na i leh u bru namo ka rymaw. Da ong u leh wa hanlada ka jylla ymtoh ware kawa boon ki karkhana tangwa ki karkhana ki bru namo seiñ samen da roi bha ki hapoh ka jylla nadooh kiwa khian hadooh kiwa heh.

Da yooluti u leh wa lyngba kani ka Workshop daw tia bha ko chaphrang heiwa daw pynchlur wei daw e mynsien ko ya ki khayi pateiñ ki bru samen (private sector) daw mih ki chakhmat wow pynduna yei chah ktah ka rymaw.

Ka thong yong kani ka Workshop toh wow wanrah yei yasñiawthooh chaphang ki bor wa ye u ktah ya kiwa boon nadooh ki bor ki karkhana, ka rymaw wa kiwi kiwi heiwa ka sorkar emkaam u sylli bniah ko wei wow ngam yillu ko ya i rukom chna namo rukom pynwandur ya ki thaw kreh wa ki karkhana deiwa miat deiwa bha katkam ka DPR ki wow pyntikna wa ki CSR leh embynta ki wow wanrah yei bha i miat ha ka imlang sahlang wa kiwi kiwi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwi kiwa da em ha kani ka sngi toh u Additional Chief Secretary to the Government of Meghalaya Incharge Revenue & Disaster Management, u P. W. Ingty, u Secretary to the Government of Meghalaya, Revenue & Disaster Management, u H. B. Marak, u Deputy Commissioner, East Khasi Hills District, u P. S. Dkhar, ka Executive Director, SDMA, Meghalaya, ka I. Mawlong, Consultant, Disaster Risk Reduction & Climate Change Adaptation, New Delhi, u S. Tandon, wa kiwi kiwi.

Hadien ini da yaklam phyllu yumut hajrong ka “USAID-MHA-UNDP Project on Developing Resilient Cities through Risk Reduction in the Context of Disaster and Climate – An Overview”, “Role of Public and Private Sector Industries in Disaster Risk Reduction and Climate Change Adaptation in Meghalaya” wa ka “Public Private Partnership for Disaster Risk Reduction and Climate Change Adaptation”.