Emkaam u yabhah yei jhep wa mih na yung: Seminar on Waste Management

Jowai: Ka Kiang Nangbah Government College ynne ka sngi da pynman ko ya ka Seminar hajrong ka phang Waste Management heiwa da wan ki bru chemphang na ka NEHU, Thomas Jones Synod College, kamjooh leh ka tnat Urban Affairs, ka sorkar jylla.

Ha kani ka sngi chwa wow yoh u ap u sñiaw yeiwa klam ki bru chemphang da pynyoo leh ya ka phlim wa tbian hei yatoh wei leh khooid, wym toh u noh ya ki jhep kat cha wa yoh heiwa ini waroh daw ktah ko ya ka rymaw kamjooh ya waroh ki bru.

Ha chwa u klam ki Research Scholar ka NEHU da yoh chwa yei batai chaphang i jhep na ka Georginia Lamare, Community Co-ordinator Urban Affairs, Government of Meghalaya.

Hei klam yong ka da khana ko yei pyrchang ka sorkar wow sikai ya ki paidbah wa haap hapoh ka Municipal ha Shillong wow pyllang jhep tangwa nyngkong chem chitom bha ki neidaw boon ki dong ym kwah ki.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Kamtæ kam wow pynyoo nongmuna ya kiwi ki dong, da jied ya ka Cleve Colony kam ka dong nyngkong ki wow yabhah yei jhep ha pyrdi ki Bio-degradable wa ki Non Bio-degradable. Da e cha kawi pa kawi ka yung ar tylli ki borti heh ka rong suiñbneiñ wa ka rong yirngam heiwa ha ka rong yirngam u booh ya ki jhep ki wow pyut kam ki baam, ki jhoor wa kiwi katwa ya ki plastic, ki klong wa kiwi kiwi da booh ha borti rong suiñbnein.

Da booh kyrpang leh ya kawi ka truck ka wow kit du ya ki jhep wa mih na ki borti wa yirngam. Ya ini i jhep won da pynkylla sboh ki wei daw dai ya ki cha ki paidbah.

Da ong ko leh wa lada yei jhep ym yabhah nadooh ki yung ki bru, ym emlaad u leh pynkylla næ Recycle ya ki hadien wa da dep noh ya ki jhep cha ki thaw noh jhep.

Da ong ko leh wa ha Shillong na ka 149 MT i jhep wa mih ha Shillong ka Municipal da yoh ki u kit 126 MT katwa ki jhep wa tam won da lai ki cha ki dooid cha liar wa ki um ki wah.

Ha kani ka sngi leh da yaklam leh yei emkaam wow pynduna yei pynemkaam ya ki plastic kiwa neh da ki spah snem ki wym pyut. Kamtæ da kyntu ya ki paidbah wow rah ki da ki muna heipor lai yaaw wei kamjooh leh wow rah da ki klong um na yung yow lait u thied um iwa ktah bha ya ka rymaw manda noh ya ki kat cha wa yoh i thaw.

Lada ye toh u pynduna yei pynmih ya ki jhep ha yung kamjooh leh ya i jhep wa pynmih i cha ki thaw wa lai i.