U Vincent H Pala uwa man u MP na Shillong Parliamentary Constituency da kyntu u ya ki paidbah ka jylla wow chim yei tika neibynta wow yada na u khñiang COVID-19, deiwa ong wa ha America 56% ki bru da dep ki wow yoh tika wei kiwi ki ri Europe leh da yoh ki yei tika wei katni da sdang wow wai ya ki kaam ha kitai ki ri. Da ong u wa ki paidbah ym toh wow tieñ ki wow chim yei tika neibhah bha wow chim bar yei wow hap u lai thiah ha Hospital.
Da ong u wa lada ki paidbah kwah ki wow lait nei khangsbak wei wow ku i yoh i kot ka jylla, la kammon kammon 60% na kiwa chong chnong toh u chim ki yei tika, lym kamtæ daw mih bait i jinjaar.
Da ong u wa ka sorkar leh toh u ya krehlang ko wa ki seiñ krehmon sñiawbha wa kiwa yahkhmat wow pynsñiawthooh ya ki paidbah wa ym toh wow sñiawthooh bakla hawa yatoh i e tika.
