Emkaam wa ka sorkar jylla u pynkylla ko ya ka aiñ thied thaw: Paul Lyngdoh

Shillong: U MDC ka KHADC wa pait ya ka khayi pateiñ, u Paul Lyngdoh da ong u wa ka rukom e kot Scheduled Tribe/Caste man ko katkam ka Presidential Order 1950 wei du ka sorkar pyrdi kawa ye u pynkylla yeini, katwa neiliang ka sorkar jylla won toh u pynkylla noh ko ya ka Land Transfer Act khnang wa kiwi tawon ki paid ri-loom ki wym toh napoh kani ka jylla ym ye de ki wow man tre.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Da ong u wa kiwi won ki jylla da dep pynthymme ki ya kani ka hukum wow kynthup noh du ya ki ri-loom ki wa toh ki tre jylla kiwa ye wow yoh myntoi, tangwa ka Meghalaya won da kynthup hi-eh ko ya waroh deiwa chim bait kamwa da leh ka Assam nadooh ki por wa yoh ya ka jylla (Meghalaya).

U Paul da ong u leh wa ka KHADC da pynsñiaw ko yeini iwa emkaam hakhmat ka National Commission for Scheduled Tribes (NCST) neibhah kani haap ko hapoh i pait ka sorkar pyrdi, tangwa heiyatoh wa ka Land Transfer Act toh i kaamram ka sorkar jylla wei ka Council daw pynñiaw ko yeini cha ka sorkar.