Khliehriat: U Deputy Commissioner (Supply), East Jaiñtia Hills District da pyntip paidbah u wa ka Ministry of Consumer Affairs and Public Distribution wa ka sorkar jylla lyngba ka National Food Security Act 2013 Reforms in Targeted Public Distribution System Chapter V Section 12 (2) (c) da pynman ko wa emkaam wow em ya u Aadhaar heiwow pyntipmit namo wow pynsakhiaat ya kiwa yoh myntoi kiwa haap ha ka Public Distribution System (PDS).
Kamtæ da pyntip ya waroh kiwa yoh myntoi na ka Card AAY namo PHH wa kiwi ki Scheme hapoh ka Public Distribution System wa emkaam wow em ki ya u Aadhaar neibhah wa neini daw pynkrehkaam noh ya ka kor Electronic Point of Sale (ePoS) Machine lyngba ki dukan rachon.
Deiwa leh kamni daw wanrah ko yei chakri wa khooid wa i pynkrehkaam wa janai lyngba ka ‘One Nation One Ration Card System’ ha ka jylla wa ka ri waroh kawi.
Ya kiwa yoh myntoi, wow pynpsiah pyrtuid ha u Aadhaaar ye ki wow lai cha ka yung krehkaam u Deputy Commissioner, East Jaiñtia Hills District, Khliehriat namo ha ki Block Development Officer, Khliehriat wa Saipung Block namo Post Office yong ka East Jaiñtia Hills District ha iwon iwon i por wa man kreh.
Emkaam leh wow bood thij ya ki kyndon ka sorkar heiyatoh wow yada na ka khlam u COVID-19.
