U slap wa joor ha kini ki ar sngi wa dadep da wanrah i yei oor i khyndaw wa ki moo ha u sarok wow lai cha ka chnong Chyrmang ha i bynta wa tip kam i Nohkhuri iwa da kah ya uni sarok nadooh ynnin i step.
Ynne ka sngi ki bor pynlai ka PWD da pyrchang ki wow pynkhooid ya ki moo wa i khyndaw wa da oor deiwa pynemkaam ya ka poohchiloom (Bulldozer) tangwa neidaw wa em ki moo wa heh da chem chitom wow pynlait ya u sarok.
Katkam ka yutip wa da yoh da ong wa emkaam wow tympdung ya ki moo khnang wow ye u pynlait biang ya uni u sarok.
Da ong leh wa ynne i janmiet da wanrah da ki kor wow siam thlu ha ki moo khnang wow ye u tympdung ya ki mynstep ka sngi wei mar dep tympdung ya ki moo daw rap suk u pynkhooid ya ki moo.
Neiliang ki bor PWD ynnin ka sngi da pyrchang ki wow pynkhooid ya uni u sarok tangwa neidaw wa dang joor u slap wei wa dang em i bynta wa synjor wa ye u oor da pynsangeh chwa yei kreh.
