Emkaam ya u pood wa thymme ka Assam-Meghalaya uwa kdup ya ki thaw ka Hima Khasi: SOMALA

Ka seiñ Social Organisation of Meghalaya Against Land Alienation (SOMALA) ha ka kyrwoh wa da phah, da ong wa emkaam ya u pood u ang wa thymme hapyrdi ka Meghalaya wa ka Assam deiwa kdup ya ki thaw yong ki Hima Khasi kiwa mantre ki pateiñ la pateiñ wei ym toh wow dooh noh.

Da ong wa hawa pynkrehkaam ya ka Section 7 yong ka Independence Act, 1947 da pynmih wei da pynman ya ki thaw wow synchaar hapoh ka ri India neibhah wa ka synchaar khadar yong ka syiem Bilat da kut noh ko wei heiyatoh won wa ki syiem tre ri ka ri India wa i ya kdoh soskular hapyrdi yong ki da tkut noh ko waar. Kamjooh leh hi ki Hima Khasi da laitlooid ki na i synchaar ka syiem Bilat wa i yakdoh soskular waka sorkar pharæng leh da kut noh ko.

Katni won ki Syiem Khasi toh u yakdoh soskular ki wa ka India lyngba ki kot ki sla wa khut kam ka Instrument of Accession waka Standstill Agreement.

Ki Hima Khasi (Khasi States) hadien wa da ya ksohkti ki wa ka ri Jaiñtia da e pyrtuid thymme ya ka District kam ka United Khasi & Jaiñtia Hills District. Kamtæ toh i kamram ka District Council wow pynbait ya u pood u ang hadien wa da wan psiah ki Hima Khasi, iwa mut wa u pood u ang ka District Council kawa yatoh wa ka Assam u toh u man u pood u ang ka Hima Khasi kam ki kyndon ka Independence Act, 1947.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki kot ki sla ka Instrument of Accession wa Standstill Agreement ym em kynthup ki ya ki kyntien khyndaw wa u chyiap (Land) iwa mut wa i khyndaw wa u chyiap ym em haap ki hapoh i synchaar ka India. Ka sorkar India wa ka sorkar Assam ki yoh pateiñ ki ya iyi wa da em hapoh i synchaar ka India.

Kamtæ neidaw wa ka sorkar India wa ka sorkar Assam kawa katni ym ye ki wow kamtre wow yoh pateiñ ya i khyndaw i chyiap neibhah ka India ym em mantre ko. Kamtæ i khyndaw u chyiap toh i yong ka Hima Khasi. Ka sorkar Assam ym em hok ko wow kamtre wei wow toor cha ka bynta ka khyndaw ki Hima Khasi khlem yurim.

Hajrong ini da yooluti wa hawa pynbait ya u pood u ang da kiwon kiwon ki laad, ki luti ym toh wow dooh noh chi lyngkhot i khyndaw yong ka United Khasi Jaiñtia Hills District deiwa bakla hei kheiñ i diah lane ka pyrkhat pyrdaiñ næ da i mynsien wa kyllooid kawa khlem yurim.

Ka kyrwon na u W. Anthony, Convener ka SOMALA.