Jowai: Ka Muay Thai Association of Meghalaya (MTAM) da kyntu ko cha ki paidbah wow yarap poisa ya ki arngut napoh ka jylla ki wow lai chimbynta ha ka Asian Muaythai Championship 2018 ka wow pynman nadooh ka 4-12 tarik u Kmaichonglaad (Dec), 2018 ka wow pynman ha Macau, China.
Ki arngut kiwa chah jied napoh ka jylla toh u Babit Kharshahnoh u wow chimbynta ha ka kyrdan Senior Men Below 48 Kg uwa dang puræ BA 3rd Semester ha Shillong College uwa na Lemthaw Smit, East Khasi Hills waka Monica Nongrum ka wow chimbynta ha ka kyrdan Senior Women Below 60 Kg kawa da dep puræ yow man muktiar na Shillong Law College kawa na Umsaw Nongkharai, Ri Bhoi District.
Kini ki arngut da emkaam poisa ki T. 2,68,000 wa kynthup ya ka bai lai bai wan, bai baam, bai sah wa kiwi kiwi.
Kiwa kwah u yarap poisa ye ki u phone ha kini ki number 9774067519, 9402398902, 8257818107.
Discussion about this post