Shillong: Ya ka World Tourism Day da leh warom ya ka ynne ka sngi ha Shillong ha U Soso Tham Auditorium, heiwa u Montri Rangbah ka jylla u Dr. Mukul M Sangma da man u kam u kongsan hei emlang u Parliamentary Secretary, Tourism etc. heiwa u Kennedy Khyriem da man u kam u symbood kongsan.
U Dr. Mukul M Sangma hei klam da ong u wa ka World Tourism Day man ko ka por heiwa waroh ye ki u yachemlang wow yaphyllu yumut hei yatoh wa ki kaam uiñ suwari heiwa da ong u wa ka jylla da sakhi ki yei wan tooid ki paidbah cha kani ka jylla.
Da ong u wa ki kaam uiñke suwari man ki kiwa yohmyntoi bha kawa ye u wanrah yei yoh khih yoh kreh hapoh ka jylla wei kamjooh leh yei roi i paar.
Da kyntu u leh ya waroh nadooh ki seiñbhalang, ki tnat krehkaam ka sorkar, ki bru samen wow chimkhia ki ya kani ka kaam neibhah ko yei myntoilang wanang ya ki tre jylla waroh kawi.
Ha kani ka sngi u Mukul da pyllait u leh ya ka kot khian kawa pynkhreh da ka tnat Tourism Department, Meghalaya hei yatoh wa ki kaam uiñke suwari hapoh ka jylla.
Ha kani ka yalang da em leh u Chief Secretary, Meghalaya, u Y. Tsering, Director, Tourism Director, Arts & Culture wa kiwi kiwi.
Discussion about this post