Ka 5th Evening Super-4 Football Tournament 2023 wa pynman da ka Sports & Youth Affairs Committee ka Chutwakhu Social Welfare Durbar, Jowai da pteiñ ya ka ynne i miet da ki yalehke wa khaddooh ka Second Round ha madan Basketball wa em ha madan Jrisaleiñ.
Ha ka yalehke wa nyngkong, ka Dreamer FC da jop ko yaka Enjoy FC da 5-1.
Ya ka Dreamer FC da thap kool da u Anri Rapthap haka minit wa 14, u Meban Bareh haka minit wa 16, 38 wa 49 wa u Eddie Eleazer Bamon haka minit wa 19 katwa yaka Enjoy da thap da u Name Nedy Lamin haka minit wa 43 (Own Goal).
Ha ka yalehke wa ar hapyrdi ka Raises FC waka Myntdu Pynthorneiñ FC da kut ko da 2-2.
Ya ka Myntdu Pynthorneiñ da thap kool da u Deper Challam haka minit wa 33 (Own Goal) wa u Damewot Dkhar haka minit wa 42 katwa yaka Raises da thap da u Deisuk Lyngdoh wa u Lekini Dkhar.
Kamtæ da pynman da ka yachut Tie-Breaker heiwa ka Raises FC da jop ko yaka Myntdu Pynthorneiñ FC da 4-2.
Mynstep u sdang ki yalehke Quarter Final da ar tylli heiwa ka Chicago SC dawa yachem ko yaka Pra I Cheini FC heipor 6:00 waje i miet wei daw pynbood da ka Dongmihsngi Jr waka Mixed United heipor 7:00 waje i miet.
Discussion about this post