Ka 4th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ ya ka ynne i janmiet hadien wa sangeh soo sngi deiwa pynman biang ar tylli ki yalehke.
Ha ka yalehke wa nyngkong, ka Mookyndur da jop ko ya ka Unity FC da 6-2.
Ya ka Mookyndur da thap kool da u Jom Singh Pariat ha ka minit wa 2, 6, 13 wa 47, u Oliver Pale ha ka minit wa 50 wa u Anries Dkhar uwa da thap bakla liang ha ka minit wa 8. Ya ka Unity da thap kool da u Wanyo Paswet ha ka minit wa 27 wa u Dangmehi Niangti ha ka minit wa 42.
Ha ka yalehke wa ar, ka Progressive 7 da jop ko ya ka Tikna Beit FC deiwa yachut Penalty Shoot Out hadien wa kut ka yalehke da 0-0. Ha ka yachut Penalty ka Progressive da jop ko da 3-1.
Mynstep leh ki yalehke daw pynman ar tylli heiwa ka Kurwan FC daw yachem ko waka Damanle FC heipor 5:00 waje i janmiet wei daw pynbood da ka Ultra Legend waka Carpe Diem heipor 6:00 waje.
