Evening Super-4: Jop ka Niam Rong waka RARR

Ka 4^th Evening Super-4 Football Tournament 2022 wa pynman da ka Sports & Youth Affairs Committee ka Chutwakhu Social Welfare Local Durbar, Jowai da pteiñ ya ka ynne i janmiet deiwa pynman biang ar tylli ki yalehke.

Ha ka yalehke wa nyngkong, ka Niam Rong FC da jop ko ya ka Tyndang Paruit FC da 3-2.

Ya ka Niam Rong da thap kool da u Riketto Dkhar ha ka minit wa 8 wa u Marbull Dkhar ha ka minit wa 15 wa 44 katwa ya ka Tyndang Paruit da thap da u Budki Pakma ha ka minit wa 9 wa u Skhem Phai ha ka minit wa 49.

Ha ka yalehke wa ar, ka RARR FC da jop ko ya ka Bad Boys da 3-2.

Related posts

Jop ka Mooknor Thadmuthlong ya ka Ladthadlaboh ha ka Super Division ka WJDSA

December 2, 2025

Jop ka Khimusniang ya ka Sohmynting ha ka Super Division ka WJDSA

December 1, 2025

Ya ka RARR da thap kool da u Ker Pakma ha ka minit wa 32 wa 39 wa u Odame Lyngdoh ha ka minit wa 50 katwa ya ka Bad Boys da thap da u Samkupar Passah ha ka minit wa 12 wa u Kenite Bareh ha ka minit wa 41.

Ki yalehke mynstep u pyman mynstep toh hapyrdi ka Spartan waka Mercury FC heipor 4:30 i janmiet wei daw pynbood da ka Pra I waka Myntdu Pynthornein heipor 5:30 i janmiet.