U Addl. District Magistrate ka East Jaiñtia Hills ynne ka sngi da pynmih u ya ka hukum heiyatoh wa i thang bomkala ha kani ka samoi lehkmen Christmas wa snem thymme.
Da pyntip u wa da pynkrehkaam ya ka kyndon Section 144 CrPC ha waroh kawi ka District heiwa da khang wow thied wei wow dai ya ki bomkala wa chna cha baar ri.
Da khang wow pynemkaam ya ki bomkala wa pteiñ luta (Series Crackers/Laris) kiwa ood, kiwa khlai tdem rap boon wei kiwa pynmih jhep.
Da khang u pynemkaam ya ki bomkala kiwa kieh palat 125 db (A1) lane 145 db (C) Pk na i jngai 4 Meter na i thaw wa thang.
Chooh chooh da khang leh wow thang bomkala hapoh 100 Meter na ki thaw sumaar, ki thaw puræ, ki yung bichaar, yung mane, wa kiwi ki thaw wa pynbna da ki bor District kam ki Silent Zone.
Ha i miet synyaaw ka Christmas 24 tarik wa u snem thymme (New Year) ka 31 tarik da chah wow thang nadooh 11:55 PM hadooh 12:30 AM donhi.
Heijooh i por da chah wow dai ya ki bomkala du da kiwa em License wei u pyntikna leh wa kiwa dai toh du da kiwa da chah da ki bor ka District deiwa bood ya ki kyndon ka Central Pollution Control Board.
Kani ka hukum da krehkaam ko nawa pynmih ya ka.
