Ha ICU ka Nazareth Hospital hap booh sumaar ya u Prestone

U Symbood Montri Rangbah ka jylla, u Prestone Tynsong, dapoi u cha Hospital wow sumaar ya oo hapoh ka Intensive Care Unit (ICU) ka Nazareth Hospital, Laitumkhrah hadien wa ku syndet ka Blood Pressure (BP) wei da em leh wa ong wa yoh u ya ka Mild Stroke i wym pu ye u pyntikna.

Ya u Prestone da pynkit wut-wut ynne ka sngi cha Hospital heipor 1:00 waje i sngi, heiwa ki Doctor da booh ki ya oo hei pait wa bniah bha.

Ka khubor wa da yoh da pyntip wa i long i man i chait i khiah u Prestone toh iwa em hapyrdi i pait bniah ki Doctor ha kini ki 6 kynta wow wan.

Ki Doctor u pteiñ ki wow pait bniah ya ka BP yong oo Prestone wei hadien wa hiar daw pynkit noh cha ka Private Ward wei ya kattæ u booh chwa hapoh ICU.