Ynne ka sngi u Deputy Chief Minister ka jylla u Sniawbhalang Dhar heipor wa wan yooh kjat u ha Jowai da kylli ya oo lada em i thmu wow wanrah ya ka tamasa Cherry Blossom cha Ri-loom Jaiñtia neidaw wym em yei thaw wa pura yow pynman ka, heiwa neiliang u Sniawbhalang da ong u wa ym ye u ong cheiwon u rah ya ka tangwa katkam wa man kattæ u yaleh u pait ya ki thaw hajan ki District Headquarter ka jylla; deiwa pynrap boi heini ha Jaiñtia Hills daw wanrah ya kawa dang heh bar ya ka Cherry Blossom leh.
Da sñiawkmen u wow khana wa ki lok u kiwa na Mumbai, Hyderabad wa na pharæng kam na Spain heipor wa chaad wa put wa tem da yaroh bha ki ya ka jylla Meghalaya wei hawa kylli u ya ki neiyi i daw, da jubab ki deiwa ong wa wot hapyrdi ki hajar wa ya chaad ki kynthai, chynrang, khynroo khyllood, tymmen chadæ ym em wa leh khlemakor, iwa pynyoo wa emakor ki paidbah yong i iwa pynsñiawsarong ya kiwa mihkhmat.
Da kyntu u leh ya ki paidbah wow pynneh yeini i akor i burom neibhah ka sorkar u pteiñ ko u chakri ya ki paidbah.
U Sniawbhalang da ong u leh wa uwi u heh chipai da yaroh u yeini, neibhah lada man cha kiwi ki jylla tæ tip kammon wow jia.
Da e khublei u leh ya ki paidbah wa ki khynroo wa da emakor emburom ki ha kani ka tamasa.
Heijooh i por da pynrap u wa heiyatoh wa ka Cherry Blossom wow wanrah ya ka cha Jaiñtia Hills wa daw poi hi i por tangwa ymtoh katni.
Discussion about this post