Jowai: Ka jylla Odhisa da man ko ka jylla wa nyngkong hapoh ka ri wow syad da i Diesel ya i Petrol heiwa ynne ka sngi i Diesel da chong dor i T. 80.40 chi liter katwa i Petrol won da chongdor i 80.27 chi liter wei ini i tam dor da i Diesel da sdang i nadooh ka 20 tarik.
Boon ki por i Diesel da man i iwa duna bar ya i Petrol neidaw wa duna ka bai dan (Tax) tangwa ha kini ki bnai i dor tre i Diesel da sdang ku i heiwa ini i dor wa chim da ki karkhana wa pynmih phniang na ki Dealer da ku i da T.5 neidaw wa da ku dor i phniang hapoh pyrthai.
Hapoh Odhisa won da chem leh ka jooh ka VAT ya i Petrol wa Diesel kawa da poi 26% iwa da wanrah yeini i ku dor i Diesel katwa kiwi ki jylla kheiñ VAT ki kawa bon ha ka Petrol wei duna ko ha i Diesel.
Kiwa dai phniang katni su ki T. 43.49 (khlem dan) chi liter i Petrol wa T. 48.02 chi liter i Diesel katwa ka Excise Duty ka sorkar pyrdi man ko T. 17.80 chi liter i Petrol wa T. 13.83 liter i Diesel katwa kiwa dai won da yoh Commission ki T. 3.50 chi liter i Petrol wa T.2.50 chi liter i Diesel wei da em leh sa ka dan yong ki jar jiar ki sorkar jylla kawa phær na kawi ka jylla cha kawi ka jylla.
Discussion about this post