Ka Expert Committee kawa da thung yow pait deiwi ya ka Meghalaya State Reservation Policy daw phah noh ko yeiwa chem ko hadien wa da yachem yaklam wa kiwa boon kamjooh da pdiang leh dei thoh.
Ka Expert Committee kawa da krehkaam 18 bnai nadooh wa sdang ya ka, daw e noh ko ya ka Report ha ka 12 tarik uni u bnai.
Yei pyrtuid ki 5 ngut ki dkhot kani ka Committee da pynbna ha u Naisaphra, 2023 wa khlieh da u Justice (Rtd) Mool Chand Garg kam u Chairman uwa man uwa bichaar warim ka Madhya Pradesh High Court wei ki dkhot kynthup ki ya u Justice (Retired) Dr. Satish Chandra uwa man uwa bichaar warim ka Allahabad High Court, u Prof. D.V. Kumar uwa na ka Department of Sociology NEHU, Shillong, u Prof. Chander Shekhar uwa na ka Department of Fertility and Social Demography IIPS, Mumbai wa u Prof. Subhadeep Mukherjee uwa man u Assistant Professor of Economics & Public Policy IIM, Shillong.
Kam wow pynkynmoo em kiwa da pynsñiaw wym kwah ki wow pynkylla ya ka Reservation Policy, em kiwa da kwah wow pynku yei bhah ki Khasi-Jaiñtia em won kiwa da kwah bait u pynyakhun da ka 80% ya waroh ki Khasi, Jaiñtia wa Garo wei won kiwa da ong wa ka Reservation Policy toh u man ko neibynta kiwa dooh wa duk khlem da pait ya kiwa heh paaid næ ki khian paaid.
Discussion about this post