Jowai: Ka United Democratic Party (UDP) Mowkaiaw Circle da pyntip ko cha waroh kiwa kitkaam ka Party kynthai wa chynrang kiwa haap hapoh ka 4-Mowkaiaw Constituency wow wan cha ka yalang wa kyrpang yong ka Party ha ka 14 tarik uni u bnai ha Dorbar Hall, Mowkaiaw heipor 10 waje i step.
I thmu kani ka yalang toh wow pynkhlan ya i rukom krehkaam ka Party ha waroh ki chnong wa haap haka 4-Mowkaiaw Constituency wei wow pynkhreh kyrpang ya ka Election MDC 2019 wow sai kyrtong ka Party na Mowkaiaw Constituency, Sahsniang Saphai Constituency, Barato Mukroh Constituency, Shiliangmyntang Thangrain Constituency wa kiwi kiwi ki phang.
Katwa kamtæ da khut ya waroh wow wan khnang cha kani ka yalang ha i por wa biang.
Discussion about this post