Ka Meghalaya wa Mizoram kiwa da psiah Final ha ka U-21 ka yalehbol ki chynrang ha ka 2nd North East Olympic Games 2022, daw yachem ki ha ka 16 tarik uni u bnai ha madan Polo, Shillong heipor 1:00 waje i sngi.
Neiliang ka Meghalaya Football Association (MFA) da pyntip ko wa neidaw wa duna ki thaw paitke ha kani ka madan, daw pyndait leh ya 3 tylli ki LED Screen kiwa heh bha ha Shillong Sport Association (SSA) Football Ground-I, Polo yow ye ki paidbah wow pait ya kani ka yakhun Final.
Ya ka Ticket Counter daw wai nadooh 11:00 waje i step wei da kyrpaad ya ki paidbah wow em ki hapoh ka thaw yalehke chwa 12:00 waje pyrdi sngi.
Da khang wow wanrah ya ki klong um, ki sikret, ki lighter, ki diñkot, ki dieñ lama, ki, whistle, i baam, ki bomkala, ki muna, ki muna laptop, ki biri, kwai, ki duma wa ki chewing gum chapoh ka madan.
Daw pyndait leh ya ki ‘Giant Screen’ ha Assam Club, Laban, Police Bazaar, Shillong wa Tura yow leh yaka Live Telecast kani ka Final. Daw pynyoo leh ‘Live’ ha u DD Sports Channel kamjooh ha u Prasar Bharati Sports YouTube Channel: https://youtube.com/c/ PrasarBharatiSports .
