Shillong: Ka yung bichaar High Court ka Meghalaya heiyatoh wa u sarok khappood wa em ha East Jaiñtia Hills, Meghalaya ha kani ka 28 Khonchonglad (Nov) da beiñ ko wei sñiawkhia yei man i long uni u sarok uwa da sih uwa da ktah ya ki paidbah ka thaaiñ.
Ha ka sngi wa bood won, ha ka 29 tarik da phah hajir ko ya u Secretary PWD(R) wa u Chief Engineer (NH), PWD(R) wow wan ha ka 29 tarik hakhmat ka Division Bench yong kani ka yung bichaar.
Neiliang kani ka yung bichaar da hukum ko wow chna ya ka High Level Committee ka wow khlieh da u Chief Secretary ka jylla wow pyntikna wa ki sarok ki luti syngkieñ u man ki kiwa biang khamtam kiwa pynyabi ya ka Hingaria, Huroi, Lahalein wa Lejri.
Da phah ko leh wow pynbiang ya ka Detailed Project Report wow chna ya u sarok Sonapur-Borkhat hapoh chi tayaw wei wow leh yeiwa emkaam hajrong ini.
Chooh chooh ya kani ka kaam daw chong bichaar biang ko ha ka 17 tarik uni u bnai.
Neiliang u Kynjaimon Amse uwa yahkhmat ya kiwa ujor ya kani ka mukotduma (PIL) deiwa thoh du da ka chithi cha uwa bichaar kani ka High Court da kyrmen ki wa iwa thrang wa angnood ki waroh chi kattu u man kaam noh i kattu ha kani ka kynti.
Discussion about this post