Ha ka 2 Naichiphaw u pynsakhiat yei mantre ki hali wa ki thaw wa em hapoh Ialong

Jowai: U waheh chnong ka Ialong u Bishar Shylla da pyntip u cha waroh kiwa em Hali næ Loomkseh hapoh u pood u ang ka chnong kiwa haap hapoh kini ki thaw hawah:

Synrangtyrma, Lad Synrangtyrma, Iong Kalawet, Lakadeng, Khlieh Iong Kalawet, Lad Salaroh, Wah Salaroh, Sahdakha, Thlu Thiar, Ruiong, Lum Dawso, Wah U Luh, Lum Wahsyrkham, Kseh Naran, Lum Iapmyrjai wa Ladsaliya.

Ini kynthup i ya kiwa em Hali næ ki Looomkseh wow sñiawbha wow wan yachem waka Dorbar Chnong Ialong haka 02-10-2018 ha Community Hall ka Dorbar Chnong Ialong kawa em ha Moomulang Ialong heipor 10 waje i step wei wow wanrah lang ya ki kot ki sla (Patta Hali/Landholding Certificate/Dostabit, etc) wow pynsakhiat yei mantre ya ka thaw yong phi, wei ya ki pyrtuid kiwon kiwon wa em thaw ha ki thaw wa da kdaw haneiñ wow sñiawbha u wan khnang ha ka tai ka tarik khnang wa i wan yong phi ka chnong yow leh ko ya iwa emkaam.