Shillong: Wow pynkhlan ya i yakhih wow dawa na ka sorkar wow pynpsiah ya ka ktien Khasi ha ka khyrnit wa phra yong ka Riti synchaar ka Ri India, ka Khasi Aurthor Society (KAS) daw pynman ko ya ka lai paidbah ha ka 22 tarik uni u bnai na Madan Iewrynghep (Fire-brigade) cha Madan Malki wow sdang heipor 11 waje i step.
Hadien ini daw em ka yalang paidbah ha madan Malki heiwa daw em ki kaytu katni ki bru chemphang ki wow e i klam ha kani ka sngi ki wow pynche paidbah ha kani ka phang.
U Dr DRL Nonglait President ka KAS da kyntu u ya waroh ki khon ka Bri Ynñiaw Trep wow wan ki cha kani ka lai paidbah wow pynsñiaw cha ka sorkar pyrdi yei emkaam wow pynpsiah ya ka ktien Khasi ha ka khyrnit wa phra yong ka Riti synchaar ka Ri India.
Wow pynman ya kani ka sngi kawa jop, ka KAS da dep pynman ko yei pynche paidbah ha kylleiñ ki chnong ki thaw ka Bri Ynñiawtrep.
Ka seiñ da kyntu joor ko ya waroh ki paidbah, ki seiñbhalang waphær waphær, ki khynroo khyllood kiwa em ka kit khlieh neibynta ka mynried ka jaitbru wow ya chim bynta lang ki ha kani ka sngi neibhah hawa im ka ktien im ka jaitbru.
Discussion about this post