Ha ka 29 tarik u yohlaad ki paidbah wow ood ha ka TRAI heiyatoh wa ki Network Mobile Phone

Jowai: Ka tnat Telecom Regulatory Authority of India (TRAI), ka sorkar India kawa pait ya ki kaam Mobile Phone, Landline, Broadband hapoh ka ri, daw pynman ko ya ka “Consumer Outreach Programme” ha ka 29 tarik nadooh 2:30 nohchariñ i sngi hadooh 5:30 i janmiet ha Hotel Orchid Inn, Thadlaskien, West Jaiñtia Hills, Jowai

Kani ka yalang man ko kam chibynta i pyrchang ka TRAI wow yoh u sñiaw yei ood wa i chitom wa chem ki paidbah kamjooh kiwa em ha ki Company wow pynsniaw yei chitom ki wow pynbiang yeiwa emkaam ki paidbah wei wow pynsñiawthooh paidbah leh ya kiwa boon ki kaam wa da sdang ka TRAI wow yada ya ki paidbah.

Ha kani ka yalang daw e laad leh ya ki paidbah wow pynsñiaw yei eh i khoo wa chem ki yow sñiawthooh ka TRAI wow leh yeiwa emkaam.

Kani ka yalang toh da khut ya waroh wei ym emkaam wow su wow chimbynta ha ka.