Ka lympung yaleh bol yong ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ daw sdang ko ha ka 30-10-2021 (Saturday) heipor 12:30 i sngi ha madan yalehbol ka Lumshnong, Elaka Narpuh East Jaiñtia Hills.
Ha kani ka sngi ka yalehke u man ko hapyrdi ka Sonapyrdi FC pyrchah ya ka Wahiajer Narpuh FC.
Kiwa yoh yei naam Champion myntu u snem daw yoh ki ya ka song poisa hadooh T. 50,000 deilang waka Trophy katwa kiwa rem Final won daw yoh ki ya ka song poisa T. 30,000 deilang waka Trophy.
Ka thong wa kongsan tam yong ka ENSA wa pynman ya kani ka Football Tournament toh yow pynku ya ki kaam yaleh bol hapoh ka Elaka Narpuh khnang wa kiwa em sap em phong yow ku chooh chooh ki.
Da em leh hadooh 29 tylli ki Club na ki chnong waphær waphær wa em hapoh ka Elaka Narpuh ki wow ya chimbynta ha kani ka Tournament.
Kam wow pynkynmoo wa ya kani ka Football Tournament da jooh pynman leh ha u snem 2016 heiwa ka Sonapyrdi FC da man ko kam ka Champion yong ka Elaka Narpuh.
Kani toh ka kyrwoh wa phah lyngba u Daiapherbha Lamare, Secretary Elaka Narpuh Sports Association.
