Ka Shillong Premier League 2025 daw sdang noh ko ha ka 6 tarik u Naisaphra da ka yalehke hapyrdi ka Nangkiew Irat wa ka Nongrim Hills wei waroh ki yalehke u pynman ha SSA Stadium First Ground, Polo.
Ki yalehke ki 5 tylli kiwa sdang u pynman heipor 5:30 deiwa pynche Floodlight katwa ki yalehke wa bood u sdang ki heipor 3:45 i janmiet.
Ha u 2024, ka Shillong Sports Association da rai ko wow em 10 tylli ki Club ha ka SPL tangwa da chem chitom neidaw wa boontylli ki yalehke, kamtæ ha uni u snem da pynthymme noh ya ka rukom pynman ya ki yalehke.
Ka SPL u pynman deiwa waroh ki Club u yachem ki chisien (One Leg) wei kawa yoh boon Point dooh hadien wa kut ki 45 tylli ki yalehke u man ki kam kam ki Champion.
Ha kani ka samoi daw pynman leh ya ka Shillong Super Cup (Super 6), heiwa ka Champion wa ka Runner-Up Team da yoh chwa ki wow psiah katwa kiwa yoh wa le hadooh kiwa yoh ynru daw hap ki wow yakhun (Playoff) chwa wow yoh u psiah cha ka Super Cup heiwa daw pynman ya ar tylli ki Semi Final wa ka Final.
Ha kani ka samoi ki ar tylli ki Team wa em ha tre dooh daw chah pynhiar kyrdan ki cha ka First Division ha u 2026.
Discussion about this post