Jowai : Ka All Jaiñtia Dancers Association daw pynman ko ya ka lympung yakop chaad wa tip kam ka All Jaiñtia Dancing Superstar kawa man leh ka wi na kawa heh dooh ka yakop hapoh ri-loom Jaiñtia.
Ya kani ka All Jaiñtia Dancing Superstar u pynman ha ka chi sngi donhi ha kani ka 08.10.16 heipor 2 waje i sngi ha District Library Auditorium heiwa u DC ka West Jaiñtia Hills u man u kam u kongsan.
Ha kani ka sngi daw em leh ar ngut kiwa chaad wa pawnaam yong ka ri, u Micheal Rajee Syiemiong uwa da poi ha ka kyrdan Top 20 yong ka Dance India Dance – Season 5 wa ka Daphisha Kharbani wa yoh u psiah ha ka lympung yakop chaad wa tip kam ka So You Think You Can Dance yong ka ri India lyngba ka Wild Card Entry wei da jop ko leh ya ka Golden Ticket. Daw wan pynwyrngia leh u wa rwai wa pawnaam ka ri-loom Jaiñtia u Ram Suchiang.
I thmu wa kongsan yong ka seiñ wow pynman ya kani ka yakop chaad toh yow chem thymme ya kiwa em i sap chaad hapoh ri-loom Jaiñtia, kamtæ da khut lang ko ya ki paidbah yow wan ki ha ka tai ka sngi yow sakhi ki ya ka yakop chaad ka wa heh dooh hapoh ri-loom Jaiñtia.
Ya ki ticket ye phi i u yoh ha ka tai ka sngi ha i thaw pynman ya ka All Jaiñtia Dancing Superstar.
(Sponsored Content)
Discussion about this post