Ka Meghalaya State League (MSL) 2024 kawa da hap pynsangeh neidaw wa em ka Santosh Trophy, u pteiñ noh ka da ki yalehke Quarter Final kiwa daw sdang nadooh ka 9 tarik uni u bnai.
Ha ka 9 tarik, ka Shillong Lajong FC u yachem ko wa ka Rangdajied United FC ha Wahiajer Multipurpose Sports Complex heipor 1:00 waje i sngi.
Ha ka 11 tarik daw pynman ar tylli ki yalehke heiwa ka Sutnga SS & CC u yachem ko wa ka Ladthadlaboh SC ha madan Artificial Turf, Diengshynrum Khliehriat katwa ka Mawlai SC daw yachem ko wa ka Khliehmawlieh YC ha madan ka Shillong Sports Association Stadium, Polo wei kini waroh ar u pynman heipor 1:00 waje i sngi.
Ka Quarter wa khaddooh u pynman ha ka 14 tarik hapyrdi ka Chipakkore FC wa ka Rymbai Shkenshynriah ha P A Sangma Stadium, Tura heipor 1:00 waje i sngi.
Discussion about this post