Ha ka karkhana Pepsi kawa Rs. 200 klur ha Mendipathar, 90% ki kreh toh ya ki tre chnong

Ka sorkar Meghalaya ha ka yalang ki Montri sorkar ynne da mynjur ko yei kreh wa Rs. 200 klur neibynta wow pynmih yei jait dih Pepsi kawa pynlai da ka Varun Beverages Limited, wei najrong ini da em leh ka bynta ya ka Food Pulp wa Fruit Juice kawa hei pynlut wa Rs. 100 klur.

U Montri Rangbah ka jylla, u Conrad K Sangma da khana u wa  ya kani ka karkhana yong ka Arun Beverages daw booh ha Mendipathar Industrial Area, wei ya kani u leh katkam ka Industrial Investment Policy, 2024 yong ka jylla.

Da ong u wa kani ka karkhana daw pynmih wei chna ko leh ya ki jait dih kam na u satrooiñ kiwa thung hapoh ka jylla.

Da khana u leh wa i jied yong katai ka Company ya ka Mendipathar toh neidaw wa biang i thaw wei em leh ka luti rel ka wow yarap hei kit i bah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u wa deiwa em kani ka karkhana, ka sorkar da booh kyndon ko wa ya ki kaam wa khian namo ki Non-Managerial u man ki 90% da ki bru ka Meghalaya, wei ha ki kaam Manager hawa sdang yong ki 2 snem toh u man ko 25% ya ki tre jylla, katwa hadien 2 snem toh u e kaam 50% ya ki tre chnong na Meghalaya.

Chooh chooh da ong u wa lyngba kani ka kyndon da antaad wa hawa sdang kamwa 500 ngut ki tre chnong u yoh kaam ki deiwa em kani kakarkhana.

Hawa yatoh wa i thaw, da khana u wa ka bai khyndaw ka Company da dep su ko kam wow chim wai kawa man Rs. 6 klur, wei da e wai yei thaw neibynta 30 snem wei da man ko leh ka karkhana kawa nyngkong ha Mendipathar, East Garo Hills.

Puræ leh: E kti ka sorkar yei thaw wa 25 Acre neibynta wow booh karkhana ka Pepsi