Jowai: Ki pulit da pyntip ki wa da yoh ujor ki na uwi u bru na ka chnong Myntkung, West Jaiñtia Hills.
Ha ka ujor da pyntip wa ha ka 30 Naiynñiaw heipor janmiet ka pyrsa yong oo wa dang 14 snem i rta da chah slaitbor ko ha u Eipor Langstang na Pamanik, (Muthalangi, Phramer).
Ka yutip wa yoh (na ki bru wa chaniah) da ong wa ha ka 5 tarik uni u bnai heipor 8:30 i miet u Eipor da wan patah u ka kani ka khynnah na yung wa sah ko cha iwi i khloo wa em hajan. Kani ka khynnah toh kawa sah khonswet wa ki payu ki diah ko.
Hadien ini wa chah patah ko dalai thooh u payu ko ya ka chirrup wa ki diah ko wei da ye u pyllait ya ka heiwa neiliang u Eipor won da maham u ya ki waroh.
Hadooh ynne ki pulit ympu em u yoh kem ki ya u Eipor wei da pynngat ya oo hapoh ka kyndon aiñ Section 4 yong ka POCSO Act.
Discussion about this post