Ka Saudi Arabia da pynkhreh ko wow yakhun ya ka yakob miat kynthai wa tip kam ka Miss Universe 2024 heiwa u mihkhmat ya ka toh da ka Rumy Alqahtani wei kani man ko ka sien wa nyngkong u chimbynta kani ka ri ha kani ka yakob.
Ka Alqahtani toh ka Model na Riyadh kawa da pawnaam hadien wa chibynta ko ha ki yakob miat kynthai kam ha ka Miss & Mrs Global Asian wa dang dep pynman ha Malaysia.
Kani ka model toh kawa 27 snem i rta da jop ko ya ka yakob Miss Saudi Arabia, Miss Middle East, Miss Arab World Peace waka Miss Woman (Saudi Arabia).
Neiliang ka Alqahtani da khana ko ha ka Instagram wa ka Saudi Arabia daw yakhun ko ha ka Miss Universe 2024 deiwa booh leh ya i dur yong ka.
Ha uni u snem kani ka yakob u man ko ha ri Mexico.
I poi chadooh wa chah ka Saudi Arabia wow chah ya ka kynthai ki wow chim bynta ki ha ka Miss Universe toh hadien wa da chim boon ki laad yow pynman ya kani ka ri kam kawa lai lang katkam i por deiwa sdang u wai ya ki dwar ya kiwa wan uiñke suwari wei dang ha u 2018 chah ko ya ki kynthai wow yah kari ki.
Discussion about this post