Ynne ka 15 tarik toh ka sngi wa lehkmen ya ka Army Day namo ka sngi ki chipai ha waroh kawi ka ri, wei ynne ka sngi kani ka lehkmen da man ko kawa kyrpang toh wa man ko ka sien wa nyngkong wa ya kani ka lehkmen da yahkhmat da ka sahep chipai kynthai.
Kani ka lehkmen ynne da pynman ha Delhi Cantonment heiwa ka Captain Tanya Shergill da yahkhmat ko ya ka Parade. Ka Captain Shergill toh kawa hiar pateiñ na ka manyung ki chipai heiwa u pa, u woh wa kiwi ki dkhot ka yung ko toh kiwa jooh man chipai hapoh ka Indian Army.
Hachwa u sdang kani ka lehkmen, ki heh ki chnat chipai ka ri nadooh u Chief of Defence Staff (CDS) u General Bipin Rawat; u Chief of Army Staff, u General MN Narawane; u Chief of Air Staff u Air Chief Marshal RKS Bhadauria wa u Navy Chief Admiral Karambir Singh da lai booh syntu ki ha ka National War Memorial.
Neiliang u President ka ri u Ram Nath Kovind, u montri rangbahdooh ka ri, u Narendra Modi, u montri yada ri u Rajnath Singh da ekhublei ki ya waroh ki chipai ha kani ka Army Day.
U Conrad Sangma uwa man leh u montri rangbah ka jylla da ong u wa burom i ya i chlur mynsien ki chipai ka Indian Army kiwa da kreh wow yada ya ka ri waroh kawi.
Ha kani ka sngi da e takma leh ya ki chipai wei da em leh ka Parade heiwa da pynyoo ya ki tiar yaleh ki chipai ka ri kamjooh i rukom pyndur ya i rukom man kam heipor wa yaleh thma.
Discussion about this post