Jowai : Ka Jaiñtia Awakening Movement (JAM) CB ka wi na ki seiñ wa dang mih thymme hapoh ri-loom Jaiñtia ynnin ka sngi 15 tarik da li saam baam ki da i dud, Horlicks, wa ki umsoh cha kiwa thiah kjut ha Jowai Civil Hospital, Ialong.
Kiwa thiah kjut da pdiang sñiawbha ki yeini saam baam ka dkhot ka JAM wei sñiawngooh ki yei pyrkhat ki ya ki kiwa dooh wa duk.
Ki dkhot ka seiñ da ong ki wa ini i saam baam toh kam chibynta wow leh bha ya kiwa dooh wa duk yow wanrah ki yei ya tylli para jaitbru wei na ka wi wa thiah kjut da kyrpad ko ya ka seiñ yow kyntu ki ya u montri ka chait ka khiah yow pait u yei duna kani ka Hospital khamtam yei rukom pynkrehkaam ya ka MHIS Card.
Neiliang ka seiñ da kular ki u boodien yeini iwa da dawa ko na ka sorkar.
Discussion about this post