U montri rangbah ka jylla, u Conrad K. Sangma ynne da lai pait u ya i kreh ha ka 150 LPM (Litres Per Minute) Oxygen Plant ha Nongpoh Civil Hospital heiwa daw ye ko wow pyndap la’ær Oxygen cha ki 25 tylli ki pyllong neibynta kiwa chitom COVID-19.
Kani ka Plant u sdang krehkaam ko nadooh kani ka tayaw wow wan, kawa da chna dei yoh yarap poisa na ka UNDP wei kam kani daw chna ha Tura wa ha Jowai.
Neiliang u Conrad da pynsñiaw u yei kmen wow yoo ya i kreh ha kani ka thaw, deiwa ong leh wa da yoh boon ki tiar wei katni sah sei wow pyndait donhi ya ki tiar kam wow pyndait Pipe.
Ha kani ka sngi u Conrad da yaklam u leh yei chna ya kawi ka thaw sumaar COVID ha Maternity and Child Hospital, Umran Niangbyrnai heiwa da pyntip u leh wa dang yaklam wa ka TATA Trusts kawa da kular wow chna ya ka Oxygen plant ha kani ka MCH.
Ynne hi ka sngi, u montri rangbah da lai pait u leh ya ka Cryogenic Oxygen Plant kawa em ha Jengjal, West Garo Hills heiwa da sdang wow pynmadan ya i thaw chna yow booh ya ki Cryogenic Tanks hapoh 3 tayaw.
Kani ka Jengjal Plant daw yarap ko yei emkaam ki 5 tylli ki District ka Garo Hills wa ki bynta ka West Khasi Hills.
