Hadien wa ka jylla da chah ktah ko la kamwa 10 bnai na ka khlam COVID-19, ka sorkar da pynsñiaw ko yei kyrmen wa kani ka khlam daw kut noh ko ha kani ka jylla da i yooluti leh wa ym em de wot tang uwi kiwa chong chnong wa em ya uni u khñiang neibhah kamwa man ynne ka sngi da em du 83 ngut ki bru ha ka jylla kiwa dang chah ktah ha uni u khñiang.
U Symbood Montri Rangbah ka jylla, u Prestone Tynsong da pyntip u wa ka sorkar ynne ka sngi da chong bichaar (Review) biang ko ya i man i long ha ka jylla na ka khlam, wei kamwa man ki dak, ka jylla da hiar bha i em ki bru wa chah ktah wei kyrmen u wa ka jylla daw ye ko wow lait na uni u khniang.
Da ong u leh wa ka sorkar da ekti ko ha u Chief Secretary ka jylla wow pait bniah kammon wei ha iwon i liang daw ye u pynkyllooid wow pynlait chooh chooh ya ki kyndon wei ka sorkar ha ka tayaw wow wan daw bichaar biang ko chwa wow pyntip paidbah.
