Khliehriat: Heiyatoh wa i kam ka HNLC wa da pynyieñ ko ya ka lama ka seiñ ha ki ar thaw ka Ri-loom Jaiñtia, kawi ha Jowai wa kawi ha Khliehriat, neiliang u SP ka East Jaiñtia, u Vivekanand Singh da ong u wa da chem ya kawi ka lama na Khliehriat wei i dur ha Facebook ymtoh iwa na Khliehriat.
Da ong u leh wa ka lama wa yoh ki, ymtoh katkam wa man ka lama yong ka HNLC wei da chem ya ka najan ka Madan ka Khliehriat Higher Secondary School.
Chooh chooh da kyntu ya ki paidbah wymtoh u man ki kiwa tieñsar wei da booh leh ya ki bor pulit wow sonteri ya ka thaw lehkmen laitlooid ka ri.
U Vivekanand da pyntip u leh wa kam chibynta wow pynlai bait ya ka lemkmen laitlooid ka ri, da khang ya waroh ki kari heh (Heavy Vehicle) wow lai ki na u sarokbah nadooh 5:00 waje i step hadooh 2:00 waje i sngi.
Discussion about this post