U khñiang COVID-19 uwa da suba wa da sdang mih u ha u Kmaichonglad 2019 na sorbah Wuhan kawa em hapoh Hubei Province ka ri China da mih poor u cha kylleiñ ki ri ka pyrthai khlem ye u khang yeini i poor u.
Katkam ka yukheiñ da ong wa em 81,498 ngut kiwa da yoh ya uni u khñiang ha China donhi wei na kini kiwa da chait hadien wa chah sumaar ki da em ki 72,382 ngut.
Kiwa da khlaad na uni u khñiang du hapoh china da em ki 3,267 ngut.
Kat dang mih ki sngi da hiar bha i poor uni u khñiang ha China heiwa da ye wow khang leh ya waroh ki thaw sumaar wa chipor namo ki Temporary Hospital hapoh ka ri.
Ha kini ki soo sngi wa dadep du hapoh ka Central Hubei Province kawa man ka thaaiñ kawa da chah ktah joor bha ha uni u kñiang ym em de wa dang yoh thymme ya u COVID-19.
Ynne won neiliang ka Civil Aviation Administration of China (CAAC) da ong ko wa da pyndong (divert) ko ya waroh ki International Flights wa toh u hiar ha nongbah Beijing cha ki 12 tylli kiwi tawon ki sorbah khnang wow ye u pyntikna wa uni u khñiang ym sdang biang u.
Kini ki 12 tylli ki sorbah kynthup ki ya Tianjin, Shijiazhuang, Taiyuan, Hohhot, Shanghai, Jinan, Qingdao, Nanjing, Shenyang, Dalian, Zhengzhou wa Xi’an wei ini u sdang i nadooh i synyaw ka 23 tarik.
Heijooh i por ka China da booh kyndon ko ya kiwa wan chapoh ka ri yong ka na ki ri wa dang chah ktah ha u COVID-19.
Discussion about this post