U Director of Health Services (MI), u Dr. Aman Warr da pyntip u wa katkam ka yukheiñ wa da yoh da ka chnat i chait i khiah, kiwa khlaad nadooh u Duyatra (Jan) hadooh u Naisan uni u snem em ki palat 8000 ngut, wei na kini da em kamwa 400 ngut kiwa khlaad na u COVID-19 hapoh Meghalaya.
Da ong u wa kamwa man katni kiwa bi ya u khñiang COVID-19 ha ka jylla da neh i 400-500 ngut ha ka chi sngi.
Da kyrmen u wa hadien wa e tika ya waroh daw ye u yada ya ki paidbah wei ini daw yarap i leh ya kiwa kreh ha ki thaw sumaar deiwa pynrap wa da hiar kajiak i yabi khñiang hapoh ka jylla.
Chooh chooh da ong u wa i rai ka Meghalaya High Court wa ka sorkar wa daw pynchitom ko ya kitu kiwa yah bakla hajrong i pynpoor ya ka khubor hamsaya da man i iwa bha. Da ong u leh wa ini ymtoh i por wei ka sorkar ym kwah ko wow pynchitom, tangwa i thmu wow yahbakla da ki kattu katni iwa da poi cha iwa sih, kam ya kitæ ka sorkar hap ko wow leh da iwa khor.
