Jowai: Ki dkhot ka West Jaiñtia Hills District kiwa lai chimbynta ha ka yakop rwai tynre, chaad tynre wa kiwi da wanrah burom ki ya ka District sa chisien heiwa da yoh khusnaam ki ha ki 8 tylli ki jait yakop.
Kani ka State Level Cultural Competition toh kawa pynman ha ka 16, 17 wa 18 tarik uni u bnai da ka Directorate of Arts and Culture State Central Library Auditorium heiwa da wan chimbynta na kylleiñ ka jylla.
Ha ka yakop Quiz ka Government Boys’ Higher Secondary School da yoh wa ar ko.
Ha ka Debate ka Hakacheini Passah na St. Mary Mazarello Hr. Sec. School da yoh wa ar ko.
Ha i dro Cartoon u Jimmy Dhar da yoh nynkong u uwa na Tpep-Pale Secondary School.
Ha ka yakop rwai tynre yong samen (Folk Song Solo), u Joewill Berth Jungai da yoh nyngkong u.
Ha i rwai tynre (Folk Song Group) ka Ummulong Presbyterian Hr. Secondary School da yoh nyngkong ko wei da yoh wa ar ka Limmaco Group kawa na Laskeiñ Block.
Ha i yakop Jaiñtia Folk Song won da jop ka Shangpung Pohshnong wei da yoh wa le ka Mookyndur Secondary School.
Kiwa jop ha ka yakop yonglang (Group) da yoh ki 1stPrize T. 10,000, 2nd Prize T. 8000, 3rd Prize T. 6000.
Kiwa jop yong samen won da yoh ki 1st Prize T. 5000, 2nd Prize T. 4000 wa 3rd Prize T. 3000
Ya kini kiwa chimbynta ha kani ka lympung toh kiwa da dep chah jied hadien wa pynman ya ka yakop ha ka kyrdan District.
Also Read: Da ka yakop chaad, rwai tynre, Quiz waka Debate pynman ka yung krehkaam u DC ka WJH
Also Read: Rah naam ki khynroo khyllood ka ri-loom Jaiñtia ha ka State Level Cultural Competition
Discussion about this post