Shillong: Katkam ka yutip wa da yoh na ki pulit da ong wa da yoh ki ya ka ujor na u Roshan Ali wa ki ar ngut heiwa da ong ki wa ha ka 15 tarik uni u bnai da chah lute ki.
Da ong wa ha kani ka sngi heipor wa dang kit syiar ki da ki le tylli ki Bolero Pick-up (1) AS-02AC-7919, (2) AS-25BC-7912 wa (3) AS-02BC-2578, na Jagiroad, Assam cha Silchar, Assam manda poi ki ha Toll Plaza, 20th Mile (RB) heipor 8:30 i miet ki damok wa wan da ka Maruti Alto da phah sangeh ki ya ki wei da dawa ki T. 1000 na uwi pa uwi.
Manda palat won ki ya ka Nongpoh (RB) ki damok wa chong ha ka Maruti Car rong bneiñ da phah sangeh ki ya ki wei da dawa ki sa T. 1000 samen.
Ha pyn ar ini wa jia da yaklam heiwa da e du T. 300 samen.
Tangwa manda poi ki ha Umsning (RB), kiwa chong ha kawi ka Maruti Alto rong lieh (ML-04B-5596) da dawa ki 2000 samen wei da maham ki ya ki.
Ki pulit da yoh ki u kem ya ki le ngut kiwa chong hapoh ka Maruti Alto (ML-04B-5596) wei dang thooh ki sa ya kini kiwi tawon.
Discussion about this post